投訴 樂古記者 血映雪
本帖最後由 Manb 於 15-1-2013 14:41 編輯投訴人：Manb
投訴對象：血映雪
有關版塊：CS Online【絕對武力】 » CSO 軍團區
有關連結： http://www.nakuz.com/bbs/viewthread.php?tid=4405131&extra=page%3D1&page=3
有關位置：（帖子層數）#23 + #24
投訴內容：請問 樂古記者 職權係包括D乜野?點解連user回post內容都有權扣分?
以我認知，一般論壇記者都係負責出新聞 / 訪問d game名人或者公司代表，但係點解會連版主類既工作都做埋?
俾我感覺就好似一間公司有員工係廁所偷懶，俾個清潔亞姐見到，個亞姐話：哦!!你偷懶!!!我扣你人工!!
正常黎講，個亞姐有不滿都係同佢老細講架姐，之後等老細自己處理，點會係個清潔亞姐進行處分?
其他意見：如果樂古職員係職權上係可以咁不在其位、謀埋你個政既話，請直接關post
如果果兩個回覆真係去到"人身攻擊"既階段，我唔介意"版主"扣我分，因為哩個係佢既職責
但係我不嬲都信奉既係，若果開玩笑既說話，只要雙方同意，其他人亦不必多加意見
btw~如果記者一職係有權做埋版主類既工作，點解其他post即使標題有小學雞都唔扣分?針對?
我以前係其他論壇做管理員果陣，唔係好緊急既事都唔會插手d版主同記者既工作
最多都係有問題發生果陣通知佢地儘快處理，因為哩個係佢地既責任，所以覺得咁樣好奇怪 本帖最後由 血映雪 於 15-1-2013 17:59 編輯
樂古記者權限去到一百七十...
可以加減樂點...
不過冇得開關帖子...
既然權限容許...
而我暫時冇咩大型記者工作...
我覺得自己唔應該屍位素餐咁每個月白攞幾百樂點薪金...
況且我係完全根據版規評分...
冇濫用職權...
可以幫吓手應該冇咩唔啱呱...
反正處理咗就可以減輕吓版主考試期間嘅壓力...
另外...
你的確有喺帖度話人"低B仔"...
難道呢個唔係人身攻擊?
其實你嗰個清潔阿姐例子完全套用唔到落我度...
清潔阿姐根本就冇能力扣人哋薪金...
同我唔同...
我個權限有能力扣人樂點...
咁我見到違規帖子之後唔即刻處理...
難道要費時失事咁去搵版主嚟麻煩到版主?
皇帝賜俾大臣一個錦盒...
裏面有尚方寶劍同其它寶物...
咁試問該尚方寶劍係用嚟掛喺屋企做裝飾定係儆惡懲奸呢?
管理層予以我記者一職...
讓我得償所願可以服務樂古...
假如管理層認為我越俎代庖...
咁我願意不再干涉版務工作...
並謹此致歉! 我認為呢...雪今次就真係有點矯枉過正
畢竟佢都係剛剛上任不久 有此舉不足為奇
而佢有冇做埋版主做果份呢...
我就認為CSO版主因為大多數都唔得閒 又急招緊人手
如果佢見到既 又有權力既 幫手做埋又有咩所謂呢
大家都係為左樂古好 冇話邊個應該做邊個唔應該做既... 本帖最後由 Manb 於 15-1-2013 23:09 編輯
以我所知論壇權限係根據本身職責需要去設定，有D功能係連帶開放既，姐係無得唔開
唔係你既職責就唔係你應該做既野，點解要用幫下手都有問題哩D夾硬黎既理由既解釋?
上頭無野俾你做，你應該係你職責範圍內尋找更好既表現機會或者提出更多新聞 / 訪問題材
既然你咁留意CSONLINE既野，你可以提出搜集CSO玩家/模式既各種趨勢既資料
亦可以提出訪問名人，WCG2012完左可以訪問Ti-esport架，雖然而家已經2013
以我所知wcghk2011 cs1.6季軍玩家亦黎左cso開團收人，訪問下人地轉GAME既原因都可以架
記者哩樣野真係好難話無野做，係上頭唔聽你意見，定係你缺乏搵提材既觸覺?
如果我有領悟錯樂古記者既職務，咁真係唔好意思，我唔知記者原來仲有更奇怪既職責
如果你覺得清潔亞姐唔OK，清潔部主管會唔會好D?咁你就有權去扣你D清潔亞姐人工?
既然你講到你一心一意去"幫手"，亦覺得我同朋友之間既玩笑係"人生攻擊"既話
請你去哩個post既#43評論一下佢有無人生攻擊我
http://www.nakuz.com/bbs/viewthread.php?tid=4387367&extra=&page=5
我知道有D人做事喜歡送人一個下馬威，但係需知道有D野叫做糾枉過正
好多職位之所以要有"人"去擔任，係因為人有人性，懂得睇情況人性化地處理
咁樣先會有雙贏既局面，大家先會覺得氣氛係比較輕鬆
p.s. sorry YY~拉埋你落水:P
回復 3# 滿天星
如果人手不足純粹係因為唔夠人執行基本版規或者找錯處之類
論壇可以考慮開設"違規監察員"之類既職位
"違規監察員"本身唔需要熟悉各個遊戲既仔細內容
佢只需要熟悉各版基本版規或者特殊規定已經足夠
係各樣小問題方面可以合情合理地幫大部份版主分擔工作
等版主可以將原本處理版務既時間分配得更好，可以多D計劃更好既改善方向或者版塊活動
但係前提當然係版主要明白到雖然有人幫手，但係其實果D始終係自己既職責 閣下及其朋友的處分已經取消。
另外提醒血映雪，管理員給予特別用戶組的權力，只限於所屬用戶組，若閣下有興趣參與管理版務可於申請區提出申請。 另外，本人一向不會懲罰表情回覆，經是次事件後，本人將於軍團區版規內有相關補充。 當初設置用戶組沒有留意到評分背後帶來的影響.
基於再三考慮，決定暫停有關用戶組的評分功能(除bravo 外)。
現在已刪除了相關評分及已經對血映雪作出了提醒
如有問題可再開帖進行查詢
頁:
[1]